ЛЕВАДИЈАКОС ИМ ОТКАЖА НА ПРИЛЕПЧАНИ, ВЛЕТА ТИКВЕШ

Победа на тест во Кавадарци

В сабота во Кавадарци ќе се соочат фудбалскиот второлигаш Тиквеш и прволигашот Победа од Прилеп. Оваа контрола доаѓа откако е прифатено барањето за одлагање на дербито од 9. коло во второлигашката конкуренција меѓу Борец и Тиквеш.

објавено: 12 октомври 2018 - 18:30

Победа имаше договорена меѓународна контрола со грчкиот Левадијакос, но заминувањето кај соседот во последен момент е откажано, па Тиквеш влета во агендата на тренерот на прилепскиот прволигаш Тони Меглеснки.

Прилепчани тренираат на игралиштето „Могила", а очите им се вперени кон стадионот „Гоце Делчев" каде почнаа градежни работи за да се оспособи теренот и Победа да почне да игра како вистински домаќин на својот терен во прволигашката конкуренција, а не да шета низ градовите во Македонија.

Во паузата на тренинзите Мегленски на располагање го нема и голманот Ванче Манчевски кој се пожали на болки во коленото. Колку ќе одсуствива ќе покажат дополнителните прегледи, а се рехабилитираат од хирушки интервенции на колената ЛукаТрајчески и Владимир Жоглев.

Најново во Фудбал