Денеска ќе има пресуда за судењето на првиот човек на динамо

Мамиќ го чека затворска казна од 15 години

Судијата во Осиек попладнево треба да ја соопшти одлуката дали Здравко Мамиќ е виновен за затајување на пари и данок од трансфер на играчите на „модрите“

објавено: 6 јуни 2018 - 09:00

Првиот човек на хрватскиот шампион Динамо и највлијателната фудбалска личност во Хрватска, Здравко Мамиќ, денеска ја очекува пресудата од Судот во Осиек. Мамиќ е обвинет дека од Динамо успеал да извлече 116 милиони куни и тоа како дел од трансферите што ги правил на играчите од овои тим. Меѓу тие трансфери се и оние на капитенот на хрватската репрезентација, Лука Модриќ и Дејан Ловрен. 

Ако се прогласи дека е виновен, тоа ќе значи дека Мамиќ успеал да ја оштети и државата Хрватска за 12,2 милиони куни неплатен данок. Покрај Здравко Мамиќ, обвинети се и неговиот брат Зоран, потоа директорот на хрватската фудбалска федерација и поранешен директор на Динамо Дамир Врбоновиќ, како и даночникот Милан Пернар. 

Судењето започна на 27 април минатата година, а сите четворица обвинети се изјаснија дека не се чувствуваат виновни. Доколку Здравко Мамиќ биде прогласен за виновен, може да добие затворска казна и до 15 години. Ако затворската казна е над 5 години, обвинетите од судење, веднаш ќе бидат префрлени во затвор.

Најново во Другата страна на спортот